Presidenti Hashim Thaçi, ka pranuar sot kredencialet e ambasadorit Christoph Weidinger që do të jetë përfaqësuesi i ri i Austrisë në Prishtinë.
Thaçi i uroi mirëseardhje ambasadorit Weidinger si dhe suksese në punën e tij.
“Kemi ndërtuar traditë të marrëdhënieve të mira bilaterale dhe bashkëpunimit në mekanizmat ndërkombëtarë”, u shpreh presidenti i Kosovës për raportet me Austrinë.
“Austria ka qenë ndër vendet e para që ka kuptuar mirë zhvillimet në Kosovë e që i ka treguar botës për Kosovën”, ka shtuar presidenti Thaçi.
Diplomati austriak u shpreh se do të vazhdojë të punojë për avancimin e mëtutjeshëm të marrëdhënieve në mes të Austrisë dhe Kosovës.
Presidenti Thaçi theksoi se Kosova është shtet i potencialeve të mëdha dhe shtoi se është i kënaqur që investitorë austriakë tanimë kanë investuar në Kosovë.
