Ministri i Financave, Hekuran Murati ka njoftuar se sot në eKosova është hapur aplikimi për studentë, për të përfituar nga mbështetja e njëhershme me 100 euro, raporton TV Malisheva.
Sipas tij, të drejtë aplikimi kanë të gjithë studentët aktivë që studiojnë në programet e akredituara në Republikën e Kosovës.
Ai ka shkruar në Facebook se aplikimi do të jetë i hapur deri më 6 nëntor, në platformën eKosova, ngjashëm sikurse herën e kaluar për studentët shtetas dhe jo-shtetas që studiojnë në Kosovë.
“Pas mbylljes së aplikimit, listat do të verifikohen me institucionet arsimore të akredituara, dhe listat e konfirmuara do të procesohen për pagesë. Formulari i aplikimit për studentët shtetas të Republikës: https://ekosova.rks-gov.net/Services/SubService?service=358 Formulari i aplikimit për studentët jo-shtetas:
https://ekosova.rks-gov.net/SubService/360 “, ka shkruar ai.
