Mrekullitë shqiptare, tashmë do të jenë objekt edhe i një prej emisioneve më të famshme të BBC. Lajmi është bërë i ditur nga kryeministri, Edi Rama, nëpërmjet një postimi në rrjetin e tij social Facebook.
Ai ka publikuar spotin e një prej emisioneve më të famshme në botë të BBC World News, mbi thesaret e tokës.
“Mirëmëngjesi dhe me kënaqësinë e veçantë të spotit publicitar të një prej emisioneve më të famshme në botë mbi thesaret e tokës, i cili ka një audiencë gjysmë miliardë shikues në vit, e më 21-22 janar shfaq “mrekullitë e Shqipërisë” në kanalin BBC World News, diçka e paimagjinueshme deri kur Shqipëria turistike nisi të marrë formën që po i japim vit pas viti, ju uroj një fundjavë të qetë”, shkruan Rama.
Është gazetarja, Bettany Huges, ajo e cila ka ardhur në Shqipëri për të realizuar spotin. Në video ajo thotë se Shqipëria “është një vend i mrekullueshëm dhe tokë enigmatike”. /TV Malisheva
https://fb.watch/i28StqsKoX/
