Sipas Krasniqit, PSD-ja tash e 2 vite, ka kërkuar drejtësi për Deharin, por sipas tij në këtë drejtim nuk është lëvizur asnjë gur i vetëm.
“Çdo ditë që po kalon, po dëshmohet pa dyshim, që le që këta nuk do të sjellin drejtësi, por edhe do ta sabotojnë atë. Sepse nuk u konvenon. Astritin e patën për fushata elektorale. E kur ato u kryen, nuk u duhet më. Përveç përkujtimeve hipokrite tek varri i tij. Por, ne s’do t’i lëmë të qetë, pa e sjellë drejtësinë”, ka thënë Krasniqi për Albanian Post.
Deputeti i Lëvizjes Vetëvendosje, Haki Abazi, në një konferencë për media, ka bërë të ditur se ai është në dijeni të video-incizimeve të cilat, sipas tij, konfirmojnë se kush i ka zhdukur mostrat e gjakut të Astrit Deharit.
Prandaj i njëjti ka kërkuar nga Prokuroria Speciale e Kosovës, të intervistojë kryeministrin e Kosovës, Albin Kurti, ministren e Drejtësisë, Albulena Haxhiun e disa anëtarë të tjerë të Lëvizjes Vetëvendosje.
“Instituti i Mjekësisë Ligjore monitorohet 24 orë nga kamerat, dihet qartë kush ka hyrë te frigoriferi dhe ka nxjerrë mostrat të cilat kanë qenë të vendosura nën mostrat e tjera dhe janë zhdukur”.
Ndryshe për deklaratat e thëna mbi rastin e Astrit Deharit, Prokuroria Speciale do ta ftojë për intervistim deputetin, Haki Abazi.
Këtë e ka konfirmuar për Albanian Post Kryeprokurori i Prokurorisë Speciale, Blerim Isufaj, i cili ndër të tjera tha se “vendi për të dëshmuar është këtu dhe do ta thërrasim Haki Abazin të hënën”.
/TV Malisheva
