Lidhja Demokratike e Kosovës ka filluar sot numërimin e dështimeve të partisë në pushtet me rastin e 2 vjetorit të kësaj qeverisje.
Deputetja Doarsa Kica Xhelili ka folur për drejtësi me ç’rast ka folur për Vetingun, Byronë, dinjitetin në drejtësi dhe padinë për gjenocid.
“Vetingu nuk është gjithëpërfshirës sepse nuk u prioritizua kurrë mjaftueshëm. Byroja shkoi në Komision të Venecias me insistim të LDK-së dhe po me votat e LDK-së kaloi”, ka thënë mes tjerash deputetja Kica Xhelili.
Ajo po ashtu ka theksuar se Qeveria uli pagat për zbatuesit e ligjit përderisa nuk u bë asnjëherë padia për gjenocid. Përkundrazi pushteti u pajtua për tejkalim të së kaluarës. Qeverinë e ka quajtur të paaftë e cila justifikohen në emër të së kaluarës.
