Parku Bredhi i Sotirës është destinacion unik në çdo stinë, pasi ofron një panoramë të plotë të të gjitha kateve të bimësisë me shtrirje vertikale.
Agjencia Kombëtare e Zonave të Mbrojtura të Shqipërisë solli sot të dhëna interesante mbi parkun me bimësinë e tij që nis nga shkurret mesdhetare, me marenë, prallin, dushqet e ndryshme, gështenjën dhe bredhin e Maqedonisë, për të vijuar më tej deri në kullotat alpine të Stugarës dhe të Murganës.
Terreni ka një larmi formash gjeomorfologjike ku në pjesën e sipërme ka shpate me pjerrësi shumë të madhe dhe shkëmbinj të thepisur, të cilët përbëjnë një peizazh të mrekullueshëm turistik, shkruan Atsh
Vitet e fundit, gjithnjë e më shumë vizitorë e kanë kthyer këtë park në destinacion me peizazhe mahnitëse në çdo stinë.
/TV Malisheva
