Policia e Shtetit në Shqipëri ka njoftuar se sot në mesditë, pas një aksidenti trafiku në rrugën Dishnicë-Çiflig, ka mbetur i vdekur një 15-vjeçar.
Ndërkaq, edhe drejtuesi i automjetit BMW, 21-vjeçari K. Sh., është në gjendje të rëndë shëndetësore.
Aksidenti dyshohet të ketë ndodhur pasi shoferi ka humbur kontrollin e drejtimit të automjetit dhe automjeti ka dalë nga rruga.
“Për pasojë, janë dëmtuar drejtuesi K. Sh., i cili ndodhet nën kujdesin e mjekëve dhe shtetasi R. Sh.,15 vjeç, pasagjer në automjet, i cili pas mbërritjes në spitalin e Korçës, ka ndërruar jetë”, ka njoftuar Policia.
Grupi hetimor po kryhen veprimet procedurale dhe po punon për të përcaktuar shkaqet e daljes nga rruga.
/TV Malisheva
