Qeveria e Kosovës ka propozuar Kuvendit të Kosovës, shkarkimin e anëtares së Bordit të Organit Shqyrtues të Prokurimit (OShP), Kimete Gashi, e cila sipas kryeministrit Albin Kurti, ka qenë në panelin përzgjedhës për tenderin për insulinat, ku ka fituar kompania pa certifikatën e marketingut që garanton cilësinë e këtij medikamenti.
Në mbledhjen e sotme të ekzekutivit, kryeministri Kurti tha se shëndeti publik po rrezikohet nga ky vendim i OShP-së dhe rrjedhimisht duhet të merren masa.
Krahas kësaj, qeveria mori vendim edhe për lidhjen e marrëveshjes me GIZ-in gjerman për projektin e promovimit të sipërmarrjes.
/TV Malisheva
