Kompania amerikane Apple ka njoftuar se nga sot do të ketë edhe më shumë klientë nëpër botë që do të kenë qasje në shërbimet tashmë të njohura të kësaj kompanie.
Bëhet fjalë për App Store, Apple Arcade, Apple Music, Apple Podcasts dhe iCloud, tani janë në dispozicion edhe në 20 vende tjera përfshirë Kosovën, duke bërë kështu që Apple Music të jetë i disponueshëm edhe në 52 vende tjera.
“Jemi të lumtur që shërbimet më të kërkuara të Apple të jenë të disponueshme për përdoruesit në vende tjera të botës që deri më sot nuk kanë pasur qasje në ato”, ka deklaruar Oliver Schusser, zëvendëspresidenti i Apple Music.
“Shpresojmë që klientët tanë do të mund të zbulojnë aplikacionet e tyre të preferuara, lojërat, këngët dhe podcasts”, ka shtuar Schusser.
Më poshtë ju sjellim listën e vendeve të reja që i janë shtuar shërbimet e App Store, Apple Arcade, Apple Music, Apple Podcasts dhe iCloud.
Afrika: Kameruni, Cote d’Ivoire, Republika Demokratike e Kongos, Gaboni, Libia, Maroku, Ruanda dhe Zambia.
Evropë: Kosova, Bosnja dhe Hercegovina, Mali i Zi, Serbia dhe Gjeorgjia.
Lindja e Mesme: Afganistani dhe Iraku./ Tv Malisheva
