AAK-ja mbështet kandidaturën e Avdullah Hotit për kryeministër
Aleanca për Ardhmërinë e Kosovës e përkrah Avdullah Hotin për kryeministër të ardhshëm të Kosovës. Kështu ka deklaruar për KosovsPress nënkryetari i Aleancës për Ardhmërinë e Kosovës, Pal Lekaj i cili tha se ky subjekt politik tashmë i ka thënë po një koalicioni në mes të LDK-së, AAK-së, AKR-Së, NISMA dhe partive të pakicave.
Lekaj: AAK përkrah çdo kandidat që LDK e përcakton për kryeministër
“I tham po koalicionit me LDK-në edhe pse dikasteret ende nuk dihet cilat do t’i merr Aleanca në përgjithësi. Dhe përgjithësi në këtë drejtim mendoj që në këtë situatë sa më parë që të krijohet një qeveri është më e shëndetshme për qytetarët dhe për situatën që po e kalojmë…00’51 I takon LDK-së që të përcaktoi apo të përcaktohet për kandidatin dhe ne si Aleancë do të përkrahim cilindo kandidat që e dërgon LDK-ja dhe në këtë rast do jemi bashkëpunues të mirë që të krijojmë një qeveri stabile që do të punoj në mbështetje qytetare”, thotë Lekaj.
Ish-ministri i Infrastrukturës, Pal Lekaj lidhur me ndërtimin e autostradës së Dukagjinit ka thënë se me qeverinë e re do të ndërtohet kjo autostradë.
Lekaj: Autostrada e Dukagjinit do të ndërtohet
“Aleanca e ka si politik programore edhe infrastrukturën që do ta përfshijë gjithsesi edhe autostradën e Dukagjinit. Qeveria në ikje e ka diskriminuar një regjion që është mbi 600 mijë banor dhe në këtë drejtim nuk e ka trajtuar qytetarët barabartë. Mirëpo, ne si Aleancë do të insistojmë dhe kjo do të bëhet dhe ne kemi synim se jo pse vijmë nga rrafshi i Dukagjinit por është jetike për zhvillim ekonomik dhje turizmit dhe lidhje të korridoreve”, u shpreh ish ministri.
Gjatë ditës së sotme pas mbledhjes së kryesisë së LDK-së, kjo parti ka kandiduar për kryeministër Avdullah Hotin, ndërsa po ashtu sot presidenti i Kosovës, Hashim Thaçi ia ka kërkuar Lidhjes Demokratike të Kosovës, dhe kreut të saj Isa Mustafa, emrin e mandatarit për qeverinë e ardhshme të Kosovës./Tv Malisheva
