Analisti politik, Bekim Kabashi u shpreh se veprimet e institucioneve qeverisëse janë të pamatura dhe se dëmi që po i shkaktohet Kosovës është i madh.
Ai konsideron se kryeministri Albin Kurti, po mundohet ta sabotojë procesin e dialogut pasi po i kërkohet themelimi i Asociacionit të komunave me shumicë serbe.
Për këtë të fundit, Kabashi thotë se qëndrimet e Kurtit sa ishte në opozitë, nuk po mund ta lejojë ta nënshkruajë Asociacionin, ndonëse është zotuar në Bruksel e Ohër.
Kabashi konsideron se vendimi i Kurtit për targa, ka qenë gabimi më i madh me ç’rast filluan tensionet. Thotë se ka qenë entuziast për ta implementuar një marrëveshje të nënshkruar nga ish-kryeministri Hashim Thaçi.
Teksa ka folur për problemet në veri të vendit, Kabashi nuk është shumë optimist se mund të përfundojnë edhe pas formimit të Asociacionit. Thotë se për të pasur qetësi, janë garancat e ndërkombëtarëve.
Ndërsa eksperti i sigurisë, Hajrullah Tërnava, rolin e Kosovës në arenën ndërkombëtare e vlerëson si të njëjtë, ndonëse e pranon largimin e ushtrisë nga ushtrimet ndërkombëtare “Defender 23’”.
/TV Malisheva
