Klubi nga Liga e Parë e Turqisë, Manisa, ka prezantuar sot (e shtunë) shqiptarin Nderim Nexhipi si drejtor të ri administrativ të ekipit të parë.
Nexhipi u nda me mirëkuptim me kampionin e Kosovës, Ballkani, pas më shumë se dy viteve të kaluara në Therandë.
Megjithatë, nuk ka vonuar shumë dhe Nexhipi është prezantuar në ekipin e ri.
“Nderim Nexhipi u bë drejtori ynë administrativ i Ekipit A”, thuhet në njoftimin e Manisa në Facebook.
“Jam shumë i lumtur që jam këtu. Falënderoj shumë Presidentin tonë dhe administratën e tij për mundësinë që më ka dhënë. Ne duam të ndërtojmë një ekip që luan për kampionatin”.
