Si të dalloni nëse keni mungesa ushqimore dhe si t’i korrigjoni ato?
Kequshqyerja apo ushqyerja e pamjaftueshme mund te reflektohet edhe ne shenja fizike, përveç atyre metabolike. Këto shenja nuk janë gjithmonë specifike dhe shpeshherë mund te reflektojnë mungesë të një sërë lëndësh ushqyese apo situatash që nuk lidhen detyrimisht me ushqimin.
P.sh., buzët e çara në anë, mund të shkaktohen nga mungesa e vitaminave B, por mund të rezultojnë edhe si pasojë e djegies në diell apo e dehidratimit.
Zakonisht shenjat klinike shfaqen në ato pjesë të trupit të cilat kërkojnë rigjenerim më të shpejtë, si p.sh. flokët, thonjtë, lëkura dhe aparati tretës (përfshirë këtu gojën dhe gjuhën). Me poshtë renditen disa nga simptomat, të cilat shfaqen në fazë relativisht të avancuar të mungesës ushqimore.
Flokët
Flokë pa shkëlqim, të thatë, që bien, apo që këputen lehtësisht, mund të lidhen me mungesë vitamine C, Proteinash, Zinku, Hekuri ose thjesht me mohimin apo abuzim me lëndët qe trajtohen.
Këshillë: shtoni konsumin e lëngut të portokallit, arrave të Brazilit, farave të kungullit dhe vezëve
Sytë
Sy të zbehte (mungese hekuri); me njolla, të thatë (mungesë vitamine A); të kuq në cepa (mungese vitaminash B). Arsye të tjera mund të jenë anemia e cila nuk shkaktohet nga mënyra e të ushqyerit, çrregullime të syve, alergji, moshim.
Këshille: Shtoni konsumin e thjerrave, karotave dhe mishit të kuq.
Buzët
Buzë të thata, të çara apo me plagë në anë (mungesë vitaminash B).
Këshille: merrni suplement te majasë ushqimore, konsumoni shpesh bulmetin, tërshërën, grurin, fasulet dhe peshkun.
Goja dhe mishrat e dhëmbëve
Mishra që gjakosen (mungese vitaminë C); gjuhë e lëmuar (mungese vitaminash B); ulje te shqisës së shijimit (mungese Zinku). Arsye te tjera mund te jene sëmundjet periodontale apo mungese higjiene e gojës.
Këshillë: konsumoni me shpesh brokolin, agrumet, mishin e kuq, farat e kungullit dhe ostriket.
Lëkura
Vështirësi në mbyllje të plagëve (mungesë proteinash, vitaminë C, Zinku); e thatë, e ashpër, pa yndyrë (mungesë acidesh lymore esenciale në dietë, mungese proteinash, vitaminash A dhe B); me hematoma apo gjakosje nën lëkurë (mungesë vitaminë C dhe K); e zbehtë (mungese hekuri)
Këshillë: konsumoni me shpesh vezën, domatet, panxharin, karotat, lakrën e kuqe, gjizën dhe sardelet.
Thonj
Thonj me valëzime (mungesë proteinash); në formë luge, të zbehtë (mungesë hekuri)
Këshillë: konsumoni shpesh thjerrat, panxharin.
Të tjera
Dementia, neuropati periferike (mungesë vitaminash B); gjëndra limfatike te ënjtura ne dy anët e qafës (mungese proteinash, Jodi); këmbë të harkuara (mungesë vitamine D)
Këshillë: konsumoni me shpesh prodhimet e detit, vezët, hurmat, shegët dhe merrni vaj të mëlçisë së merlucit në forme suplementi.
/TV Malisheva
