Tanimë është zyrtare që Declan Rice nuk është më lojtar i West Hamit.
Lajmin e ka konfirmuar vetë skuadra angleze përmes një komunikate në faqen zyrtare, ndërsa Rice pritet të bëhet lojtari më i ri i Arsenalit.
Rice largohet nga “Çekanët” pasi që bëri 245 paraqitje në të gjitha garat me klubin, ku paraqitja e fundit e tij përfundoi me triumf në Ligën e Konferencës pasi West Hami fitoi trofeun në Pragë për t’i dhënë fund 43 viteve pritje për një trofe madhor.
“Më vjen keq që shoh Declan duke u larguar, por besoj se të gjithë në West Ham duhet të jenë shumë krenarë për pjesën që kemi luajtur në rrugëtimin e tij nga Akademia e Futbollit në Chadwell Heath për t’u bërë lojtari i ri më i vlefshëm në futbollin anglez”, tha shefi i West Hamit, David Sullivan.
“Unë do të doja t’u bëja të qartë tifozëve tanë se ne nuk donim të shisnim Declan. Ne donim të ndërtonim ekipin tonë rreth tij dhe bëmë një sërë ofertash të përmirësuara dhe afatgjatë për të siguruar të ardhmen e tij. Megjithatë, sapo Declan e bëri të qartë se dëshironte të vazhdonte dhe të kërkonte një sfidë të re, klubi mendoi se nuk do të ishte e drejtë të qëndronte në rrugën e tij, duke vepruar në interesin më të mirë të West Ham”, shtoi më tej Sullivan.
Pasi erdhi nga Akademia e Futbollit në Chadwell Heath, ku filloi udhëtimin e tij në West Ham si 14-vjeçar në vitin 2013, përpara se të bënte debutimin e tij me ekipin e parë kundër Burnleyt në maj të vitit 2017, mesfushori i lindur në Kingston tani shihet si një nga talentet e rinj më të mëdhenj në futbollin botëror.
/TV Malisheva
