Çerkin Dukolli nga koalicioni Nisma-AKR-PD, ka thënë se sistemi drejtësisë duhet të veprojë në të gjitha hallkat.
Sipas tij kjo do të funksionojë kur kreun e Qeverisë ta merr Fatmir Limaj, njofton Klan Kosova.
“Sistemi i drejtësisë ka shkuar mbrapsht. Ne mendojmë që askush nuk ka dhënë shembull më të mirë se Fatmir Limaj që sistemi i drejtësisë duhet të veprojë i pavarur”, ka thënë Dukolli.
Ai ka thënë se i nominuari i tyre për kryeministër, Limaj është ballafaquar me gjykatat disa herë dhe ka dalë I pafajshëm nga akuzat për korrupsion.
Sipas tij është i vetmi Limaj që mund ta luftojë këtë dukuri.
“Drejtësia duhet ta ketë cak rastin dhe jo individin. Kryeministri Limaj është shembulli më i mirë që i ka dhënë shembull drejtësisë. Ka qenë i linçuar për 7-8 vjet por besoj se qytetarët e kanë parë se ai është shembull se si të luftohet korrupsioni”.
