Klubi i futbollit Llapi ka bërë të ditur se ka arritur marrëveshje me qendërmbrojtësin, Leotrim Bekteshi.
Në prani të Drejtorit Sportiv, Mentor Zhdrella, qendërmbrojtësi mitrovicas ka nënshkruar kontratë 1 vjeçare me mundësi vazhdimi.
Bekteshi me Ballkanin është shpallur kampion në sezonin e fundit dhe ka fituar Superkupën. Me Prishtinën ka fituar titullin kampion, Kupën dhe Superkupën e Kosovës, teksa ka qenë edhe në formacionin e vitit me këtë skuadër.
Bekteshi do të bashkohet menjëherë me ekipin e Tahir Batatinas në përgatitjet parasezonale për edicionin e ri të Superligës që fillon në muajin gusht.
/TV Malisheva
