Mario Balotelli është aktualisht jashtë projektit të skuadrës zvicerane FC Sion dhe së shpejti mund të marrë një ofertë fitimprurëse nga Arabia Saudite.
Sulmuesi 32-vjeçar italian iu bashkua skuadrës zvicerane gushtin e kaluar, duke përjetuar nisje të mirë në fillim të sezonit përpara se gjërat të fillonin të shkonin keq për shkak të marrjes pjesë në festa të ndryshme si dhe zënka në stërvitje.
Një figurë shpesh zhgënjyese, karriera e Balotellit ka qenë jokonsistente pas largimit të tij nga Liverpooli në vitin 2016, pasi kishte kaluar periudha të shkurtra me Nice, Marseille, Brescia, Monza, Adana Demirspor dhe tani Sion.
Siç raportohet nga “TMË” , Balotelli tani është plotësisht i anashkaluar nga projekti në Sion dhe po stërvitet individualisht, duke pritur oferta eventuale. Ai ka kontratë me skuadrën zvicerane edhe për një vit.
Thashethemet sugjerojnë se një ofertë fitimprurëse nga Arabia Saudite do t’i dërgohet së shpejti sulmuesit italian, por për momentin Sioni nuk ka dëgjuar asgjë. Sezonin e kaluar, Balotelli shënoi nëntë gola në 19 paraqitje për klubin zviceran.
/TV Malisheva
