Kryeministri Albin Kurti reagoi pas një ngjarje të rëndë që ndodhi në fshatin Rufc i Vjetër të Lipjanit ne familjen Bekteshi ku i zoti i shtëpisë dyshohet se privoi nga jeta gruan dhe djalin e tij e më pas i dha fund edhe jetës së tij.
Kurti tha se përtej rrethanave që do të sqarohen nga autoritetet, tronditje të tilla lënë boshllëk në zemrat e secilit prej nesh.
“Sot, jemi pranë familjarëve e miqve të viktimave”, tha Kurti, që shtoi se ishte “i trishtuar pamasë nga lajmi i kobshëm për vdekjen tragjike të tre anëtarëve të familjes Bekteshi nga fshati Rufc i Vjetër i Komunës së Lipjanit”.
Kurti i shprehu ngushëllime familjes Bekteshi sikurse edhe të gjithë qytetarëve të Komunës së Lipjanit.
/TV Malisheva
