Trajneri i Tottenham, José Mourinho ka folur me LiveScore dhe është pyetur se kush beson se është futbollisti më i mirë i të gjitha kohërave.
Me shumë shikues duke pritur që përgjigja e tij të ishte njëri nga Cristiano Ronaldo, të cilin ai e menaxhoi te Real Madrid, dhe rivalin Lionel Messi, në vend të kësaj ai zgjodhi një ish-yll të Los Blancos dhe Barcelonës.
“Ronaldo [Nazario], El Fenomeno”, deklaroi ai, përcjell lajmi.net. “Cristiano Ronaldo dhe Leo Messi kanë pasur karrierë më të gjatë, ata kanë mbetur në krye për 15 vjet”.
”Megjithatë, nëse po flasim për talent dhe aftësi, askush nuk e tejkalon Ronaldon. Kur ishte në Barcelonë me Bobby Robson, kuptova se ai ishte lojtari më i mirë që kisha parë ndonjëherë të dilte në fushë”.
”Lëndimet vranë një karrierë që mund të ishte edhe më e pabesueshme, por talenti që kishte ai djalë 19-vjeçar ishte diçka e jashtëzakonshme”, vazhdoi portugezi. /Tv Malisheva
