Ministria rumune e Mbrojtjes ka bërë të ditur se KFOR-it i janë shtuar edhe 130 ushtarë rumunë.
Edhe 130 ushtarë rumunë I janë shtuar KFOR-it për shkak të kërkesës që ka bërë selia e NATO-s.
Lajmin e ka bërë të ditur ministria rumune e Mbrojtjes e cila thotë se tashmë numri i ushtarëve rumunë në Kosovë shkon në 210.
“Ushtria rumune ka përfunduar shtimin e kontingjentit pjesëmarrës në misionin e NATO-s në Kosovë, me gjithsej 130 ushtarë”, thuhet në njoftimin e ministrisë rumune të Mbrojtjes.
Në njoftim tregohet se si është marrë vendimi për shtimin e forcave.
“Vendimi për shtimin e forcave rumune është marrë si rezultat i autorizimit nga Këshilli i Atlantikut të Veriut për plotësimin e forcave për menaxhimin e situatës aktuale në Ballkanin Perëndimor”, thuhet tutje në njoftim.
Rumania ka supozuar, se si një aleat i NATO-s dhe vend anëtar i Bashkimit Evropian, do të kontribuojë me forcat dhe mjetet ushtarake që ka në dispozicion për të ruajtur një mjedis të qëndrueshëm sigurie në rajonin e Ballkanit Perëndimor.
Rumania aktualisht ka të angazhuar 250 ushtarë në Bosnje dhe me kontingjentin që është dërguar sot në Kosovë, numri i ushtarëve të saj në KFOR shkon në 210.
Armata României a finalizat suplimentarea contingentului participant la operația NATO KFOR din Kosovo cu compania din rezerva strategică la dispoziția SACEUR, cu un efectiv de aproximativ 130 de militari.https://t.co/UBt2XgDcwy #KFOR #NATO pic.twitter.com/vfdkabRDx8
— MApN (@MApNRomania) October 13, 2023
/TV Malisheva
