Është ndarë nga jeta në moshën 73-vjeçare aktori i njohur Zef Deda.
Lajmin e ka bërë të ditur djali i tij, aktori i njohur Julian Deda.
I ndjeri vuante nga një sëmundje e rëndë.
Deda ka vdekur në Shkodër, ndërsa pritet që ceremonia e përcjelljes për në banesën e fundit të bëhet të shtunën, kur edhe do të mbahen homazhet në teatrin “Migjeni”.
Zef Deda ishte një nga komedianët më të mirë të Shqipërisë, i cilësuar edhe si Charlie Chaplin i Shqipërisë.
Ai u lind në Shkodër më 27 korrik 1950. Punoi për më shumë se 40-vite në Teatrin Migjeni të Shkodrës.
Zef Deda gjithashtu interpretoi edhe shumë komedi si: “Vëllai nga babai”, “Kollovari”, “Big Brother Shkodra 1”, “Big Brother Shkodra 2”, etj.
/TV Malisheva
