Galaxy S20 Ultra është telefoni më i shtrenjtë në formacionin e serisë Galaxy, një pajisje që mburret me një kamerë primare 108MP dhe disa përditësime të tjera mbi modelet standarde dhe versionin Plus.
Përkundër çmimeve të larta, sipas një thashethemi të ri (përmes Android Authority), thuhet se seria e ardhshme e Galaxy Note 20 nga Samsung nuk do të ketë një model “Ultra”.
Ross Young, Drejtori i Përgjithshëm dhe themeluesi i Display Supply Chain Consultants (DSCC), ka pohuar në një cicërimë të re se nuk do të ketë Galaxy Note 20 Ultra.
Në vend të këtij modeli, Samsung do të lansojë vetëm dy modele: një standard Galaxy Note 20 dhe një model “Plus” me një ekran më të madh. Nëse informacioni është i saktë, varianti më i shtrenjtë Galaxy Note 20 Plus mund të jetë më i përballueshëm sesa Galaxy S20 Ultra.
Ndërsa nuk ka ende ndonjë fjalë rreth specifikave teknologjike të dy modeleve Galaxy Note 20, Young kishte sugjeruar javën e kaluar që standardi Galaxy Note 20 mund të mos ketë një ekran 120Hz. Meqenëse të tre modelet Galaxy S20 ofrojnë një mundësi të rifreskimit me shpejtësi 120Hz, sigurisht që do të ishte zhgënjyese të shohim opsionin e kufizuar në Galaxy Note 20 Plus më të shtrenjtë./ Tv Malisheva
