Fabio Cannavaro beson se Real Madridi ka nevojë për Kylian Mbappen në mënyrë që të nis një epokë të re pas Cristiano Ronaldos, por mendon se do të jetë e vështirë të nënshkruajë me yllin e Paris Saint-Germain .
Mbappe vazhdon të jetë i lidhur me një transferim te Madridi nga PSG, ku ai luan tash e tri sezone.
Madridi e ka të vështirë të zëvendësojë Ronaldon, i cili vendosi të bashkohej me Juventusin në 2018.
Cannavaro që ka fituar dy tituj të La Ligës me Los Blancos si lojtar, ka thënë se Mbappe mund të jetë lojtari që mund ta zëvedësojë Ronaldon.
“Real Madridi kanë nevojë për lojtarë si Mbappe, një yll i ri që mund të ndiqte gjurmët e Cristiano Ronaldos”.
“Është normale që Madridi dëshiron ta nënshkruajë me të, por gjithashtu duhet të merret parasysh që pronarëve të PSG nuk u duhen para. Ata janë ambiciozë dhe duan të fitojnë Ligën e Kampionëve”.
“Unë mendoj se do të jetë e vështirë për Madridin ta marr. Presidenti i PSG është një person që dëshiron të fitojë. Unë i njoh mirë ata dhe do të luftojnë për të mbajtur Mbappen”, ka thënë Cannavaro. /Tv Malisheva
