Kancelarja gjermane Angela Merkel nuk do të jetë e pranishme personalisht në samitin e G7 të liderëve, në qershor. Kjo është konfirmuar nga zëdhënësi i saj.
Samiti ishte zhvendosur online këtë vit, si reagim ndaj pandemisë së koronavirusit, por presidenti amerikan, Donald Trump, tha javën e shkuar se ai do ta organizonte personalisht samitin, në shtëpinë e bardhë dhe në Camp David.
Zëdhënësi i Merkel, Steffen Seibert, u citua të thoshte: “Duke marrë në konsideratë situatën aktuale kancelarja nuk mund të udhëtojë drejt.
Uashingtonit për të marrë pjesë personalisht në samit. Kancelarja falenderon presidentin Trump për ftesën që i ka drejtuar”.
Sidoqoftë, një zyrtar francez tha se presidenti Emmanuel Macron po mendon të jetë i pranishëm në camp david, nëse kushtet e shëndetit e lejojnë. SHBA, ka deri më tani bilancin më të rëndë të koronavirusit në botë. Më shumë se 102 mijë persona kanë humbur jetën dhe mbi 1.7 milionë njerëz janë prekur nga virusi.
Samiti i G7 ishte parashikuar fillimisht të mbahej më 10 dhe 12 qershor në Camp David, por ai ishte menduar të bëhej online. Javën e kaluar Trump tha se do të donte që liderët e botës të mblidheshin atje personalisht për ti dhënë njerëzve një sinjal shprese se gjërat po ktheheshin në normalitet./ Tv Malisheva
