Në kuadër të rregullimit të hapësirave në shkollat e Komunës së Malishevës, edhe në fshatin Carrallukë, përkatësisht në shkollën “Imer Krasniqi”, ka filluar dhe është duke u bërë rregullimi i hapësirës së jashtme të kësaj shkolle, ku përfshihet oborri dhe fusha e sportit.
Këto punime sot i kanë parë nga afër i pari i Komunës së Malishevës, Ragip Begaj, drejtori i arsimit, Blerim Thaçi dhe ai i urbanizimit, Islam Vrenezi, të cilët janë shoqëruar nga kryetari i fshatit, Rrustem Hoti.
“Krijimi i kushteve të mira në shkolla, përfshin edhe rregullimin e ambienteve të jashtme dhe fushave sportive dhe krahas ndërtimit të shkollave, jemi duke investuar edhe në rregullimin e këtyre ambienteve, me qëllim që nxënësit të kenë kushte dhe hapësirë të rregulluar ”, tha kryetari Begaj.
Rregullimi i kësaj hapësire, mundësohet nga buxheti i Komunës së Malishevës dhe kap një shumë rreth 60 mijë eurove./ Tv Malisheva
