Lëvizja Vetëvendosje ka refuzuar kërkesën e Qeverisë Hoti për të marrë pjesë në takime ku do të diskutohej për dialogun e ardhshëm me Serbinë.
Këtë e ka bërë të ditur zëdhënësi i VV-së, Arlind Manxhuka përmes një statusi në FCB, duke thënë se një qeveri e varur dhe mundësuar nga votat e Listës Serbe dhe e formuar nga Thaçi e për të si dhe një qeveri që ia heq shtetit të Kosovës reciprocitetin me Serbinë nuk ka as kredibilitet as legjitimitet.
Ky është statusi i tij i plotë:
Në selinë qendrore të Lëvizjes VETËVENDOSJE! kemi pranuar një letër para dy ditësh ku ftohej Kryetari i LVV, Albin Kurti që të diskutojë me qeverinë aktuale për dialogun e ardhshëm me Serbinë. Një qeveri e varur dhe mundësuar nga votat e Listës Serbe dhe e formuar nga Thaçi e për të si dhe një qeveri që ia heq shtetit të Kosovës reciprocitetin me Serbinë nuk ka as kredibilitet as legjitimitet. Prandaj ne nuk i jemi përgjigjur asaj ftese sepse nuk do të jemi pjesë të këtyre takimeve./ Tv Malisheva
