Oda e Hotelerisë dhe Turizmit të Kosovës sot ka mbajtur Kuvendin Themelues ku ka zgjedhur kryesinë e saj.
Në këtë takim, kryetar i OHTK-së është zgjedhur Hysen Sogojeva.
Sogojeva premtoi se do të jetë zë i fuqishëm i këtyre sektorëve.
Ai tha se është i hapur që të bashkëpunoj me të gjithë anëtarët në trajtimin e kërkesave të tyre.
Po ashtu në këtë kuvend është zgjedhur edhe kryesia e ngushtë e përbërë nga Selim Pacolli në pozitën e nënkryetari të parë, Alberta Tahiri nënkryetare, Burim Sallauka nënkryetar, Flamur Bahtijari nënkryetar, Xhevdet Hyseni sekretar, Luan Bajrami sekretar organizativ, Visar Demolli drejtor ekzekutiv dhe Ardian Ismaili koordinator.
Qëllimi i OHTK-së, është përforcimi i bashkëpunimit ndërmjet institucioneve lokale, qendrore dhe rajonale, për identifikimin e mënyrave dhe hapave për krijimin e një mjedisi të favorshëm për përfshirjen sa më të gjerë të bizneseve hoteliere dhe atyre turistike. /Tv Malisheva
