Një person ka ndërruar jetë në SHBA dhe tetë të tjerë u plagosën, pasi tre persona hapën zjarr në qytetin e Washington DC të dielën.
Sipas mediave të huaja, tre persona të dyshuar raportohet se dolën nga automjeti i tyre dhe hapën zjarr drejt këtij grupi.
Nëntë personat ishin të moshës madhore, prej tyre tetë burra dhe një grua.
Raportohet se gjendja e dy të plagosurve është e rëndë, ndërsa gjendja e të tjerëve është stabile, tha Shefi i Policisë Metropolitane, Peter Newsham, në një konferencë shtypi.
Incidenti vjen pas sulmeve të armatosura së fundmi në qytetet e mëdha të SHBA-së./Tv Malisheva
