Austria ka hequr ndalesën e fluturimeve për shkak të koronavirusit me 18 vende, përfshirë edhe Kosovën, duke filluar nga data 1 gusht.
Avionët lejohen të ulen përsëri nga të gjitha shtetet, por ata që vijnë nga zonat e rrezikut duhet të tregojnë një test PCR negativ.
Shqipëria, Bosnje-Hercegovina, Kosova, Maqedonia e Veriut, Mali i Zi, Serbia, Bullgaria, Rumania, Republika e Moldavisë dhe Egjipti u ndaluan të zbarkojnë që nga 16 korriku.
Para kësaj, Britania e Madhe, Suedia, Portugalia, Rusia, Bjellorusia, Ukraina, Kina dhe Irani ishin futur në listën e ndalimeve.
Në një njoftim për shtyp, Aeroporti i Vjenës mirëpriti heqjen e ndalimeve të fluturimeve, gjë që do të çonte në një ndryshim të fluksit të udhëtimit dhe do të dëmtonte Austrinë si një vend biznesi dhe turizmi.
Me rregullat e aplikueshme të hyrjes, “garantohet siguria më e madhe e mundshme dhe liri më e mirë e mundshme e udhëtimit”, transmetojnë mediat austriake.
