Në Komunën e Malishevës një person ka ndërruar jetë si pasojë e koronavirusit dhe shtatë raste të reja me infeksion janë regjistruar në 24 orët e fundit.
Të dhënat janë konfirmuar nga IKSHKP, në komunikim zyrtar me Komunën e Malishevës.
Personi që ka ndërruar jetë sot, dje ishte konfirmuar se është i prekur me COVID-19.
Rastet e reja të konfirmuara vijnë nga Damaneku (2), Caralluka, Banja, Ngucati, Llazica dhe Bubaveci nga një rast.
Numri i rasteve aktive me COVID-19 në Komunën e Malishevës, është 47, ndërsa i vdekjeve 10. Deri më tani janë shëruar 98 persona.
