Në mbledhjen e këshillit të drejtorëve me të cilën udhëhoqi, nënkryetari i Komunës së Malishevës, Hajdin Berisha, drejtorët raportuan për punët e realizuara nga java që shkoi dhe për projektet e punët e planifikuara për këtë javë.
Drejtori i Drejtorisë për Arsim dhe Edukim, Blerim Thaçi, në debat ndër të tjera tha:
” Ne si drejtori kemi bërë të gjitha përgatitjet për ta mbajtur testin e Maturës Shtetërore 2020 dhe fillimin e viti të ri shkollor 2020/ 2021, gjithherë duke respektuar masat në fuqi nga IKSHPK-ja, qeveria qendrore, komuna dhe menaxhmenti i shkollave në Komunën e Malishevës, pasi situata me COVID- 19 është e menaxhueshme në komunën tonë, por kemi edhe planet alternative që t’i realizojmë me suksese , mbajtjen e testit të maturës shtetërore dhe fillimin e vitit të ri shkollor”, përfundoi Thaçi.
Edhe drejtorët tjerë të cilët ishin në mbledhjen e këshillit të drejtorëve, raportua për detyrat e realizuara dhe punët në vazhdim që janë duke u kryer edhe pse situata epidemiologjike me COVID- 19, ka vështirësuar planin e realizimit sipas dinamikës së planifikuar kohore.
Ata raportuan edhe për detyrat e kësaj jave dhe për muajin shtator të cilat do t’i realizojmë ashtu sikur edhe janë në planifikuar në objektivat e planit të punës./TV Malisheva
