Më 29 maj 2017, Valverde zëvendësoi Luis Enriquen si menaxheri i ri i Barcelonës. Magjia e tij filloi me humbje pasi rivalët Real Madrid fituan të dy ndeshjet e Superkupës së Spanjës në fillim të sezonit.
Sidoqoftë, skuadra më pas kaloi në një periudhë 29-ndeshje të pamposhtur në të gjitha garat nga 20 gushti 2017 deri më 17 janar 2018, kur humbën ndaj Espanyol në ndeshjen e parë të çerekfinales së Kupës së Spanjës.
Ata u këndellën dhe kaluan çerekfinalen, si pjesë e një sekuence tjetër prej 15 ndeshjesh pa humbje, para se të mposhteshin prej Romës në fazën e 1/8 të Ligës së Kampionëve më 10 prill, me rezultatin e fundit 3–0, domethënë italianët përparuan me rregullin e golave si mysafir.
Barcelona mbeti e pamposhtur për 43 ndeshje në La Liga vetëm për të humbur në ndeshjen e tyre të parafundit të sezonit më 13 maj 2018, pasi Valverde kishte pushuar Lionel Messin për udhëtimin në Levante UD – ata u mundën 5-4 nga nikoqirët.
Në shkurt të vitit 2019, Valverde nënshkroi një zgjatje të re një vjeçare të kontratës. Ai e udhëhoqi ekipin e tij në gjysmëfinalen e tyre të parë të Ligës së Kampionëve pas një boshllëku prej tre vjetësh, duke fituar 3–0 në shtëpi kundër Liverpool, por duke u mposhtur 0–4 në Anfield në ndeshjen e dytë.
Dhe, mesa duket ndeshja ndaj Liverpool, ishte vendimtare për “thyerjen” e Barcelonës. Ata kanë nisjen më të keqe të sezonit që nga viti i largët 1994 ku edhe atëherë patën grumbulluar vetëm 7 pikë nga 5 ndeshje, 2 fitore, 2 humbje dhe një barazim, raporton Indeksonline.
Blaugranët kanë pranuar 9 gola në 5 ndeshjet e para të La ligës, e që i bie gati dy gola të pranuar për ndeshje.
Ata gjatë 90 minutave regjistruan vetëm një goditje në portë mbrëmë gjatë humbjes 2:0 nga Granada, për të thelluar gjendjen e keqe që po kalon Barcelona.
Rekordet negative të Barcelonës nuk mbarojnë këtu. Që nga 23 prilli, nuk kanë arritur të shënojnë fitore si mysafir. Plot 5 muaj të tërë pa marrë tre pikë larg “Camp Nou-t” për blaugranët.
Të gjitha këto dështime, po shkojnë në llogari të trajnerit, Ernesto Valverde, i cili ka në dispozicion yjet e botës me në krye, Lionel Messin.
Spanjolli ishte afër largimit nga stoli i Barcelonës pas dështimit në Ligë të Kampionëve duke u eliminuar me rikthim të pabesueshëm të rezultatit nga Liverpool dhe humbjes në finale të Kupës së Mbretit ndaj Valencias, por presidenti i klubit besoi në të dhe besimi që Bartomeu dhe lojtarët i dhanë trajnerit, nuk po rikthehet në sukses nga trajneri.
Presioni mbi Valverden po rritet ndeshje pas ndeshje dhe nëse nuk fillojnë rezultatet pozitive për Barcelonën, koha e tij në Camp Nou do të jetë e shkurtër.
