Kryeministri Kurti po duket të jetë gjithnjë e më i izoluar në botën e jashtme. Duke përjashtuar takimin e fundit në Bruksel, i cili ishte në funksion të dialogut Kosovë-Serbi, i pari i qeverisë nuk është ftuar pas asaj dite në ndonjë forum tjetër ndërkombëtar.
Diçka e cila nuk ka ndodhur me Presidenten Vjosa Osmani. Madje i pari i ekzekutivit sikur po “anatemohet” edhe nga mediat globale.
Bie fjala, gazetarja e njohur Christiane Amanpour nga mediumi CNN në vend të Kryeministrit Kurti e ka ftuar Presidenten Osmani, pasi një gjë të tillë e kishte bërë me Kryetarin e Serbisë Aleksandër Vuciq, për të diskutuar “çështjen e vullnetit politik për të shmangur tensionet dhe rrezikun”.
Ndonëse siç dihet, përgjegjës për dialogun nga pala kosovare është kryeministri i vendit. Dhe logjikisht ai duhet të ishte personi i parë dhe më kompetent nga pala kosovare për të diskutuar çështjen “vullnetit politik” si për shtensionim të situatës ashtu edhe për dialog.
/TV Malisheva
