Një video 20-minutëshe në ‘Peacock’ zbulohet se Amber Heard i dha NBC-së dokumente të shumta nga një mjek që “përfaqësonte vite, vite shpjegime në kohë reale të asaj që po ndodhte”.
Intervista shpërthyese pas humbjes së gjyqit me Savannah Guthrie transmetohet të premten në “Dateline”.
“Ka një libër me shënime që datojnë që nga viti 2011 që nga fillimi i marrëdhënies sime, të cilat janë marrë nga mjeku im, të cilit po i raportoja abuzimin”, tha Heard në video.
Sipas “Dateline”, dokumentet detajojnë një incident në vitin 2012 në të cilin Johnny Depp dyshohet se “e goditi, e hodhi pas një muri dhe e kërcënoi se do ta vriste”.
Sipas programit, Depp dyshohet se “i grisi këmishën e natës, e hodhi në shtrat” tetë muaj më vonë, dhe në vitin 2013 ai “e kërcënoi se do ta vriste duke e hedhur pas një muri”.
Për shkak të “thashethemeve”, ekipi ligjor i Heard nuk ishte në gjendje t’i prezantonte dokumentet.
Ndërkohë, një zëdhënës i Depp tha për “Dateline” se aktori thjesht dëshiron të “ecë përpara” pasi fitoi çështjen e tij, në përgjigje të intervistës së Heard për NBC.
Johnny e paditi ish-bashkëshorten për një shkrim që kishte publikuar në vitin 2018 në Washington Post, ku tha se ishte viktimë e dhunës në familje.
Amber Heard (Foto: AP)
Nga ky gjyq, Depp doli fitues me 15 milionë dollarë dëmshpërblim. /TV Malisheva
