Amerikanët bënë nderimet e tyre për viktimat e sulmeve terroriste të 11 shtatorit 2001, sulmet më të këqija në historinë e SHBA-së, që tronditën thellësisht vendin dhe mbarë botën.
Një numër i madh njerëzish, të mbledhur në Nju Jork pranë muzeut mbresëlënës përkujtimor në Manhattan, mbajtën dy minuta heshtjeje për viktimat e sulmit në kullat e Qendrës Botërore të Tregtisë.
Në mesin e të mbledhurve ishte edhe zëvendëspresidentja, Kamala Harris, e cila dëgjoi një listë shumë të gjatë të emrave të viktimave.
Presidenti Joe Biden mori pjesë në një ceremoni në Pentagon, i cili ishte objektiv i një sulmi islamik.
Saktësisht 2.977 persona u vranë në sulmin terrorist të Al Kaedës në Nju Jork dhe Uashington.
Dy aeroplanë u përplasën në kullat binjake të Qendrës Botërore të Tregtisë në Nju Jork, një i tretë goditi Pentagonin dhe një i katërt, i cili dukej se kishte për qëllim Kapitolin ose Shtëpinë e Bardhë, u rrëzua në një zonë të pyllëzuar në Shanksville, Pensilvani, pasi pasagjerët kundërsulmuan.
Askush nga katër avionët nuk mbijetoi. 10 vjet më vonë, në maj 2011, forcat amerikane vranë liderin e Al Kaidës, Osama bin Laden në Pakistan, në një operacion të miratuar nga presidenti i atëhershëm Barack Obama./TV Malisheva
