Të mërkurën, Apple u bë kompania e parë amerikane që arriti një kapitalizim tregu në vlerë prej 2 trilion dollarëve, thuhet sipas CNBC.
Apple dyfishoi vlerën e saj në vetëm dy vjet. Aksionet e mbajtura të Apple janë rreth 4.275 miliardë dollarë dhe kur çmimi i tyre u rrit në 467.77 dollarë rreth orës 11 të mëngjesit, kompania arriti të shënojë vlerën marramendëse në treg.
Sidoqoftë, Apple e mbylli ditën me vlerësim më të ulët deri në fund të ditës, përkatësisht në 462.83 dollarë dhe me një tavan tregu prej rreth 1.98 trilion dollarëve.
Apple arriti një kapitalizim tregu prej 1 trilion dollarëve më 2 gusht 2018. Më 31 korrik, 2020, Apple kaloi kompaninë Aramco për t’u bërë ndërmarrja më e vlefshme e tregtuar publikisht në botë.
Aksionet e Apple janë rritur më shumë se 60 përqind, duke u rritur përkundër krizës e pandemisë me koronavirusin. Në vitin e kaluar, aksionet e Apple janë rritur më shumë se 120 përqind./TV Malisheva
