Kryeministri i Shqipërisë, Edi Rama, ka bërë të ditur se 45.630 doza të vaksinës Pfizer kanë mbërritur mbrëmjen e djeshme në Rinas.
Ai në një postim në Facebook u ka bërë thirrje qytetarëve që të vaksinohen dhe të shfrytëzojnë ditët e mbetura të gushtit./TV Malisheva
“45.630 doza të vaksinës Pfizer sapo kanë mbërritur në Aeroportin “Nënë Tereza” duke e çuar në mbi 1.8 milionë numrin e vaksinave të mbërritura në Shqipëri. 1.270.057 vaksinime janë kryer deri tani, por duhet ende të rritet mbulesa vaksinale, ndaj një thirrje për qytetarët që ende nuk janë vaksinuar të shfrytëzojnë ditët e mbetura të muajit gusht për t’u vaksinuar ndaj COVID-19″, shkruan Rama.
