Senatorët amerikan Chris Murphy dhe Gary Peters, qëndruan dje në Kosovë, ku patën takime me krerët e shtetit.
Ata thanë se Shtetet e Bashkuara të Amerikës nuk do të pajtohen kurrë me ndonjë lëshim apo hap të ndërmarrë nga Kosova që do të rrezikonte sigurinë dhe të ardhmen e saj referuar diskutimeve rreth Asociacionit të Komunave me shumice Serbe .
Por, të dy kërkuan si prej Kosovës ashtu edhe prej Serbisë që të bëjnë hapa njëkohësisht ne zbatimin e ujdive të arritura së fundmi në Bruksel e në Ohër.
Murphy që është edhe pjese e Komitetit të Senatit për Politikë të Jashtme deklaroi se pasojat e moszbatimit të marrëveshjes do te afektojnë rrugën e Kosovës drejt Bashkimit Evropian dhe në mos integrimin në NATO.
Sipas tij këto mund të jenë ndër pasojat që do të prekin edhe qytetarët si në Kosovë po ashtu edhe në Serbi nëse liderët e të dyja vendeve nuk bëjnë zgjidhje të vështira politike, por qe janë të nevojshme për të arritur fillimisht normalizimin dhe më pas njohjen reciproke.
Derisa nuk dhanë një datë se kur Kosova përfundimisht mund të bëhet pjesë e NATO-së, por siguruan që SHBA-të po punojnë nuk këtë drejtim për të arritur unanimitetin në Aleancë që aktualisht nuk ekziston për pranimin e Kosovës në aleancën veri atlantike.
Senatorët Murphy dhe Peters, zhvilluan takime edhe me kryeministrin e Kosovës Albin Kurti dhe presidenten e Kosovës Vjosa Osmani.
Murphy në një konferencë për media pas takimit me Kurtin, ishte i qartë sa i përket Asociacionit të Komunave me shumicë serbe.
Ai tha se kjo çështje duhet të marrë fund gjatë këtij viti.
“Që të mundësohet drejt normalizmit e cila do të çojë deri tek njohja e ndërsjellë. Më vjen mirë që dëgjuam për planet tuaja për zbatimin e marrëveshjes”, tha ai ndër të tjera.
/TV Malisheva
