Ylli i “Pirates of the Caribbean” është në proces gjyqësor me ish-gruan e tij për 50 milionë dollarë, për shkak të një komenti që ajo shkroi për Washington Post se ka qenë viktimë e dhunës në familje, duke argumentuar se u konstatua se ai ishte kryesori, edhe pse nuk u emërua në artikull.
Sipas burimeve pranë ish-çiftit, babai i Amber Heard, kishte kërcënuar me vdekje aktorin 56-vjeçar në një telefonatë.
David Killackey, i cili zotëron Transmisionet e Performancës Allison dhe ka punuar në makina klasike në pronësi të Amber dhe Johnny, tha për revistën “The Blast” se babai i Amberit, David Heard, ishte zemëruar shumë në aktorin.
“Gjatë përpjekjes për të lehtësuar riparimet, modifikimet dhe shtesat në Mustang, kam marrë shumë mesazhe me tekst dhe thirrje telefonike nga babai i Amber, David Heard. Pas ndarjes së Amber dhe Depp, David Heard u zemërua shumë me Depp. Ai tha se Depp po e shkatërronte karrierën e së bijës së tij”, tregon David Killackey.
Por, as David Killackey nuk ishte kaluar mirë me aktoren, me të cilën kishte pasur disa biseda ‘armiqësore’, transmeton KosovaPress.
“Unë bëra çmos t’i tregoja asaj që nuk dëshiroja të përfshihesha në mes të mosmarrëveshjes së saj me Depp. Ajo nuk i pranoi këto informacione mirë. Në një moment ajo më ofendoi duke më akuzuar se për vjedhje. Biseda e fundit telefonike me të ishte shumë e pakëndshme. Kisha mjaft kërcënime dhe vendosa të mos i përgjigjem më thirrjeve të saja telefonike,” tha ai.
Ndryshe, padia për shpifje në rastin Depp-Heard do të shkojë në gjyq në gusht të vitit të ardhshëm, pasi u vonua gjashtë muaj pasi aktori nuk arriti të sigurojë rekorde të urdhëruara nga gjykata në lidhje me përdorimin e tij të drogës dhe alkoolit, ashtu sikurse ishte akuzuar nga Amber gjatë përleshjes së tyre.
