Ballkani ka falënderuar tifozët që të martën mbrëma i dhanë mbështetje të fuqishme në ndeshjen kundër Ludogoretsit të zhvilluar në stadiumin “Fadil Vokrri” në Prishtinë.
Skuadra e Ilir Dajes triumfoi me rezultat 2-0 në ballafaqimin e parë mes këtyre dy skuadrave, i vlefshëm për kualifikimet e Ligës së Kampionëve me golat e Korenicës dhe Zybës.
Në reagimin e tyre në Facebook, skuadra e Ballkanit ka thënë se lojtarët morën zemër për shkak të mbështetjes së madhe të tifozëve dhe se fal tyre, ata po bëhen shumë të të fortë si skuadër.
Reagimi i plotë i Ballkanit në Facebook:
Të dashur XHEBRAILA dhe gjithë ju tifozë të FC BALLKANIT,
Klubi dëshiron të ju falenderojë secilin prej jush, që mbrëmë i keni dhënë zemër lojtarëve tanë, të cilët me mbështetjen tuaj të vazhdueshme gjatë 90 minutave, shfaqën një futboll të bukur e rezultativ.
E kemi thënë disa herë dhe do ta themi gjithmonë,
BASHKË JEMI SHUMË MË TË FORTË!
Na priftë e mbara në ndeshjet e radhës!
/TV Malisheva
