Shitja e biletave për ndeshjen e Ligës së Konferencës ndërmjet Ballkanit dhe Bate Borisov është duke vazhduar ende.
Skuadra kosovare tani ka njoftuar se përveç sistemit online, shitja e biletave tani ka nisur edhe në formë të shtypur, pra fizike, gjë e cila mundësohet në zyret e klubit në qytetin e Suharekës.
“Orët dhe minutat po kalojnë, jemi vetëm një ditë para finales së madhe! Në mënyrë që askush mos të mbetet pa biletë, i kemi vënë në dispozicionin tuaj edhe biletat e shtypura, të cilat mund t’i siguroni te zyra e klubit, në stadiumin e qytetit në Suharekë.”, thuhet në njoftimin e Ballkanit.
Ndeshja Ballkani vs Bate Borisov, është dueli më i rëndësishëm kualifikues në UEFA Conference League dhe në rast se Ballkani e eliminon skuadrën nga Bjellorusia, atëherë do të plasohet në fazën e grupeve të këtij kompeticioni.
Kjo ndeshje zhvillohet nesër në staduimin “Fadil Vokrri” me fillim nga ora 20:45.
/TV Malisheva
