Banka Evropiane e Investimeve (EIB) mbështeti projektet e energjisë së qëndrueshme në BE, vitin e kaluar, me një vlerë rekord prej rreth 17.1 miliardë euro (18.7 miliardë dollarë).
“Një marrëveshje financimi prej 72.5 miliardë eurosh u nënshkrua nga grupi EIB në vitin 2022”, njoftoi sot presidenti i EIB, Werner Hoyer në konferencën vjetore, në Bruksel.
“Do të mundësohen investime prej rreth 260 miliardë euro dhe do të krijohen rreth 950 000 vende të reja pune deri në vitin 2026”, tha Hoyer.
EIB është banka e Bashkimit Evropian dhe, për llogari të saj, institucioni më i madh financiar shumëpalësh në botë. Së fundmi, banka është përfshirë si donatore për projektet klimatike dhe gjithashtu në mbështetjen e Ukrainës.
Vitin e kaluar, EIB siguroi 1.7 miliardë euro për rikonstruksionin e infrastrukturës së shkatërruar nga forcat e armatosura ruse.
“Në Gjermani, financimi total i grupit EIB u rrit me 20% në terma vjetore, në 6.61 miliardë euro”, sipas të dhënave.
EIB investoi në tramvaje dhe trena të rinj, si dhe në trena novatorë me bateri për të zëvendësuar lokomotivat me naftë në zonën e madhe të Berlinit.
Përveç kësaj, financimet u kryen në turbina me erë që prodhojnë energji, modernizimin e rrjeteve të energjisë elektrike si dhe linjat e prodhimit për pompat e ngrohjes, dhe ndërtimin e një fabrike për materialet e baterive të makinave.
“Në Gjermani, ne po shohim një interes në rritje për projektet që kontribuojnë në transformimin e gjelbër të ekonomisë”, tha kreu i EIB. /DPA/
/TV Malisheva
