“A duhet Ukraina të japë territor për të arritur paqen?”, ishte pyetja që një gazetar i bëri presidentit amerikan pas komenteve të tij për raportin e punës për muajin maj.
“Por mua më duket se do të vijë një moment përgjatë rrugës kur do të duhet të ketë një zgjidhje të negociuar. Dhe çfarë nënkupton kjo, nuk e di. Unë nuk mendoj se dikush e di këtë tani. Por ndërkohë, ne do të vazhdojmë t’i vendosim ukrainasit në një pozicion ku ata mund ta mbrojnë veten”, tha Biden, shkruan NYT.
Presidenti ukrainas, Volodymyr Zelensky, deklaroi të enjten se forcat ruse aktualisht e kanë pushtuar afërsisht një të pestën e vendit të tij.
Në ndërkohë, objektivat e luftës së presidentit rus Vladimir Putin mbeten të turbullta, por Biden pretendoi në shkurt se Putini po përpiqej të “rithemelonte ish-Bashkimin Sovjetik” duke pushtuar territorin që dikur sundonte Moska.
/TV Malisheva
