Zoran Gavriloviq nga organizata për Hulumtime Sociale (BIRODI) ka thënë se në Serbi ka ‘media bot’ [robot në internet/web] që propagandojnë në favor të qeverisë.
Duke folur për mediet në Serbi, Gavriloviq thekson se shembull i kësaj është edhe videoja për politikanin serb të Kosovës, tashmë të vrarë, Oliver Ivanoviq.
“Kemi bërë një analizë të gjendjes së publikut në Serbi, kemi ardhur në përfundimin se ekziston fenomeni i mediave bot që propagandojnë për Qeverinë në mënyrë pozitive, gjithashtu kemi etiketim mediatik”, thotë Gavriloviq.
Sipas tij, televizionet në Serbi janë vendosur në shërbim të regjimit.
“Çdo angazhim publik ku një individ, qoftë i detyruar apo sipas dëshirës, në daljen e tij mediatike apo publike ose lavdëron apo etiketon dikë, pa paraqitur asnjë fakt, nuk ka asnjë anë tjetër që do ta kundërshtonte. Ne kemi promovim, propagandë ose etiketim nga media, të gjithë e dinë rastin e Oliver Ivanoviqit, ku shembulli i funksionit të bot-it është të publikojë një video. Televizioni është vendosur në shërbim të qeverisë”, thotë ai.
Gavriloviq pohon se ka shumë prova se në mediat serbe ka bot-a.
Sraman spot Srpske liste emitovan na TV Pink i TV Most tokom predizborne kampanje pic.twitter.com/L4nFoQv8X0
— Ksenofil 🌐 (@SebastijanOlimp) January 16, 2018
Kujtojmë se para se Ivanoviq të vritej në vitin 2018, ishte transmetuar një spot në media, i cila u transmetua nga televizionet Pink dhe Most, pak para fillimit të fushatës zgjedhore në Kosovë dhe pasi ai vendosi të jetë kandidat për kryetar të Komunës së Mitrovicës së Veriut.
Videoja në të cilën Ivanoviqin e përshkruajnë si të afërt me vrasësit, “i cili nuk qan për të vrarët, por për makinën e tij”, ishte kulmi i linçimit mediatik që përjetoi ky politikan. Ai u vra menjëherë pas transmetimit të këtij spoti.
Deri më sot nuk dihet se kush është porositësi i kësaj videoje, edhe pse është publikuar në dy televizione, e derisa është publikuar në televizionin Most, në këndin e sipërm shkruhej “Spot me pagesë nga Lista Serbe”.
Kjo video që ka në shënjestër kundërshtarët e Qeverisë së drejtuar nga Partia Progresive Serbe, të cilët janë cilësuar si “mercenarë që sulmojnë presidentin Aleksandar Vuçiq”.
/TV Malisheva
