Franca dhe Gjermania i kanë shitur Rusisë pajisje ushtarake me vlerë 270 milionë euro, që me shumë mundësi po përdoren në pushtimin e Ukrainës.
Kjo do të ishte e pamundur nëse BE do të respektonte plotësisht embargon për shitjen e armëve për Rusinë pas aneksimit të Krimesë.
Muajin e kaluar, Franca, Gjermania dhe Italia kanë përdorur një hapësirë në sanksionet e vendosura kundër Moskës.
Ato janë 3 nga 10 vendet e BE-së që kanë eksportuar thuajse 350 milionë euro pajisje përfshirë raketa, armë dhe bomba.
Gazeta britanike ‘The Telegraph’ shkruan se 78% e totalit janë furnizime që vijnë nga firma franceze dhe gjermane.
BE ndaloi 8 vjet më parë transferimin dhe eksportimin e të gjithë armëve, municioneve dhe pajisjeve ushtarake në Rusi.
Sidoqoftë, këto vende kanë shitur miliona euro pajisje te Rusia duke përdorur teknikalitete për lejimin e kontratave që ishin firmosur para datës 1 gusht 2014.
Vetëm Franca është përgjegjëse për 152 milionë euro shitje si pjesë e 76 licencave për eksport.
Në fillim të këtij muaji u zbulua se BE i ka dërguar Rusisë thuajse 1 miliard euro çdo ditë për energjinë që prej nisjes së luftës në Ukrainë.
Kancelari gjerman, Olaf Sholz po përballet me kritike të forta se nuk po i dërgon armatime të rënda Ukrainës.
Sipas tij dërgimi i tankeve në Kiev është rrezik për përhapjen e luftës bërthamore.
/TV Malisheva
