Sot, Bullgaria do të fillojë shkatërrimin e rreth 19.000 pulave në një fermë industriale në jug të vendit, pas zbulimit të një lloji shumë ngjitës të gripit të shpendëve, njoftuan autoritetet rajonale të sigurisë ushqimore.
Kjo është epidemia e tretë në një fermë në fshatin Krivo Polje afër Haskovës në tre vitet e fundit, u tha gazetarëve drejtori i agjencisë rajonale të sigurisë ushqimore.
Rreziku për njerëzit nga kjo sëmundje mendohet të jetë i ulët, por ka pasur disa raste të infektimit te njerëzit që kanë shkaktuar shqetësim tek epidemiologët. /TV Malisheva
