Njohësi i çështjeve politike, Jusuf Bytyqi, ka thënë se Qeveria Kurti ka ardhur në pushtet duke hedhur akuza, faje dhe duke i quajtur tradhtarë qeveritë e kaluara, shkruan TV Malisheva.
Ai ka thënë se qeverisjen e ka arritur po ashtu duke hedhur gaz lotsjellës dhe mjete të tjera në Kuvendin e Kosovës.
“Ajo ka ardhur në pushtet duke akuzuar, duke hedhur faje, duke quajtur edhe tradhtarë edhe qeverinë Mustafa, qeverinë Haradinaj, qeverinë Thaçi, edhe duke përdorur mjetet më të ndryshme vetë në Parlamentin e Kosovës, përdorim të gazit lotsjellës për me pengu gjithçka”, thotë Bytyqi.
Ai ka thënë se dikur Kurti thoshte se nuk ulet në dialog pa e detyruar Serbinë të kërkojë falje, gjë që shihet se kjo qeveri nuk ka një çasje serioze, por e gjitha ka qenë mashtrim.
“Edhe kur thotë nuk bisedojmë me Serbinë pa e detyru me kërku falje, dhe tash brenda 3 muajve ndryshon krejt çasja, është i gatshëm me bisedu madje edhe pa ndërmjetësues amerikan , por vetem me ata të BE-së, këtu shihet që nuk është çasje serioze, por e gjitha ka qenë një mashtrim”, ka thënë ai. /TV Malisheva
