Njohësi i çështjeve politike, Jusuf Bytyqi, ka thënë se edhe anëtarët e Lëvizjes Vetëvendosje janë të korruptuar, dhe se qytetarët po gënjehen nga kjo qeverisje kur kjo e fundit thotë se do ta luftojë këtë dukuri, shkruan TV Malisheva.
Ai rast konkret ka përmendur ministrin e Punëve të Brendshëm, Xhelal Sveçla, për të cilin ka thënë se në Agjensionin Kundër Korrupsionit po del si politikani më i pasur edhe pse nuk ka shumë kohë në qeverisje partia e tij.
“Fakti se në Agjensionin Kundër Korrupsionit kur pe shohim pasurinë e atyre njerëzve, ata njerëz dikah e kanë fituar atë pasuri milionëshe, për shembull, ministri i brendshëm po del të jetë më pasaniku se njerëzit që kanë qenë me dekada në pushtet”, ka thënë Bytyqi.
Ai ka thënë se është dyshuese kjo pasuri e tyre.
“Edhe tash kur i shohim këto raste dhe dhjetëra të tjera që janë kyçur në politikë tash, sot janë bërë deputetë, dhe kanë pasuri milionëshe atëherë të bën me dyshu se ata dikah e kanë fituar këtë pasuri, nëse jo duke qenë ministra, atëherë e kanë përfituar duke qenë shok i një ish-ministri i cilësdo qeveri”, ka thënë ai.
Ai po ashtu ka shtuar se qytetarët vetëm po zhgënjehen nga kjo qeveri.
“Nuk kemi të bëjmë me diçka që qytetarët do të presin tash mrekulli, veç po shihet zhgënjimi i tyre”, ka thënë Bytyqi në emisionin N’Pult. /TV Malisheva
