Këngëtarja e njohur e skenës shqiptare, Dafina Zeqiri, është duke shijuar disa ditë të mira joproduktive në Turqi së bashku me partnerin e saj, DJ Geek.
Këtë e ka bërë të ditur përmes disa postimeve që ka ndarë me fansat në rrjete sociale.
Ajo ka publikuar disa imazhe të vetes, në të cilat shfaqet atraktive me pamjen natyrale e ‘look-un’ e thjeshtë.
“Kur mendon se ai po shkrep një foto të keqe (siç bën zakonisht) por pastaj i shfleton”, ka qenë përshkrimi që ia ka vënë fotografive.
Çifti duket se po shfrytëzojnë këtë kohë pak para koncerteve e mbrëmjeve muzikore që pritet të fillojnë së shpejti.
Komplimentet në pjesën e komenteve kanë qenë të shumta dhe nga më të ndryshmet.
Dafina ditë më parë solli projektin e ri “Pa ty”, një ‘remix’ me Cricket dhe Mumën. /TV Malisheva
