Këngëtarja e njohur shqiptare, Dafina Zeqiri, ka publikuar së fundmi klipin e saj më të ri “Murder on the dancefloor” në bashkëpunim me reperin Ron.
Dafina e cila shquhet për stilin dhe paraqitjet e saj skenike, nuk kishte se si të mungonte me një dukje tejet tërheqëse dhe të detajuar edhe në klipin e radhës.
Ndërkohë, fansave me sy të mbrehtë nuk iu iki një detaj shumë interesant i klipit, në të cilin Dafina mesa duket është shfaqur me një veshje të shumë viteve më parë.
Bëhet fjalë për fustanin e zi me viza të argjendta, me të cilin dikur këngëtarja Zeqiri ishte shfaqur në klipin e para nëntë viteve, “Supernova”.
Mesa duket, Dafina ka menduar që të risjellë në vëmendje pas shumë viteve këtë fustan, për të treguar se si veshjeve të bukura si kjo, moda nuk iu kalon.
“Supernova” mbahet mend si një nga këngët hit të Dafinës, e cila aso kohe ishte publikuar në dy versionet, shqip dhe anglisht.
